Ормуз бұғазындағы жағдай қалай?

Бір тәуліктің ішінде Ормуз бұғазындағы саяси жағдай мың құбылды.
Әлемдік оқиғаларға шолу жасасақ, 19 маусым күні АҚШ президенті Дональд Трамптың жарлығына сәйкес, Ормуз бұғазындағы блокада алынып, бұғаз арқылы бір тәулікте 12.5 миллион баррель мұнай тасымалданды. Бірақ көп уақыт өтпей жатып, Иран бұғаз арқылы өтетін кемелерге қатаң бақылау ережесін енгізді.

Тегеранның жаңа шешіміне сәйкес, бұғаздан өтетін барлық шетелдік танкерлер транзит басталудан кемінде 48 сағат бұрын арнайы рұқсат алуға міндеттелді. Осы ережеге бағынбаған бірнеше кеме кері қайтарылып, нарықта қайтадан үрей туғызды. Жағдайдың бұлайша күрт өзгеруіне Таяу Шығыстағы геосаяси текетірестің жаңа толқыны себеп болып отыр. Израиль мен Ливан бағытындағы қақтығыстардың ушығуы салдарынан, АҚШ пен Иран арасында Швейцарияда өтуі тиіс маңызды бейбіт келіссөздер кейінге шегерілді. Оған қоса, бұғаз суында әлі де 80-нен астам теңіз минасының сақталуы ірі халықаралық логистикалық компанияларды тәуекелге барудан сескендіріп отыр. Осылайша, Ормуз бұғазы небәрі 24 сағаттың ішінде бейбіт ашылудан, қайтадан қатаң әскери бақылау мен белгісіздік сипатына ауысты.