Қасым-Жомарт Тоқаев Қазақстан халқына жаңа Жолдауын жариялады

Бүгін Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы жарияланды.

Жолдаудың негізгі бағыттарында инфрақұрылымды дамыту, ең төменгі жалақыны көтеру, цифрландыру және жасанды интеллект секілді маңызды бастамалар талқыланды.

Аталған бағыттарға сәйкес, 2027 жыл Қазақстанда «Жалпыхалықтық ауқымды құрылыс жылы» болып жарияланады. Осы жылға сәйкес елімізде республикалық және жергілікті маңызы бар жолдар мен инфрақұрылымдарды дамытуға барынша назар аударылады.

Одан бөлек, халықтың әл-ауқатын жақсарту мақсатында Президент ең төменгі жалақыны 110 мың теңгеге дейін көтеруді ұсынды. Қазіргі таңда елдегі ең төменгі жалақы мөлшері 85 мың теңгені құрайды.