Астанада әуе кемесі сынақтан өтті.

Болашақта адамдар кемемен суда ғана емес, әуеде де саяхаттай алатын болады. Бүгін Астана қаласында жолаушысы бар ұшқышсыз әуе кемесі алғаш рет сынақтан өтті. «Қазақстан» телеарнасының хабарлауынша, әуе кемесі «Болашақ ойындары — 2026» халықаралық турнирі аясында, арнайы рұқсат етілген аумақта сыналды. Аталған әуе аппараты электр қуатымен жұмыс істейді және 2 жолаушыны тасымалдауға қауқарлы. Оның ұшу жылдамдығы сағатына 130 шақырымды құраса, ұшу қашықтығы 35 шақырымға дейін жетеді. Бұл әуе кемесін болашақта шұғыл медициналық көмек көрсету, өрт сөндіру жұмыстары және дәрі-дәрмек тасымалдау ісіне қолдану жоспарланған.