Home›Билік›Президент Орталық сайлау комиссиясының төрағасын қабылдады

Президент Орталық сайлау комиссиясының төрағасын қабылдады

6 Қыркүйек, 2024, 00:00

Орталық сайлау комиссиясының төрағасы Нұрлан Әбдіров Қасым-Жомарт Тоқаевтың қабылдауында болды — деп хабарлайды Ақорда.

Президентке жаңартылған заңнамаға сай республикалық референдумға дайындық және ұйымдастыру жұмыстары жөнінде мәлімет берілді.

Қасым-Жомарт Тоқаевқа Орталық сайлау комиссиясының даму стратегиясын іске асырудың негізгі аспектілері баяндалды.

Кездесу соңында Мемлекет басшысы бірқатар нақты тапсырма берді.