Елімізде ұстаздар қауымының  білімін бағалауға  қатысты өтініш қабылдау басталды

Аталған бағалауға қатысты өтініштер 23 тамыз мерзіміне дейін  қабылданады, ал ПББ 21-29 тамыз уақыты аралығында өтпекші. Өтініштер ұлттық тестілеу орталығының сайты мен мобильді қосымшасы арқылы қабылданады.  Бұл туралы тестілеу орталығының баспасөз қызметі Facebook парақшасында хабарлады.

Ұлттық тестілеу орталығының хабарламасында «Бұл тестілеуге санаты жоқ үміткерлер, біліктілік санаттарын арттыратын және растайтын педагогтер қатыса алады. Білім беру ұйымының педагогтері педагогтердің білімін бағалауға бір күнтізбелік жыл ішінде 2 рет өтініш бере алады: бір рет тегін, бір рет ақылы», – деп жазылған.

Осы уақытқа дейін педагогтар қауымының білімін бағалау 10 шілде мен 13 тамыз уақыты аралығында орын алған болатын.