Алматыдан Анталияға ұшқан Air Astana ұшағынан ақау шыққан

Алматыдан Анталияға ұшқан Air Astana ұшағы ақауына байланысты Ақтауға шұғыл қонды. Бұл туралы Democracy.kz ақпараттық орталығы Stan.kz ақпарат агенттігіне сілтеме жасап хабарлайды.

8 қаңтарда Алматыдан Анталияға ұшқан Air Astana әуе компаниясының KC915 рейсі Ақтау әуежайына шұғыл түрде қонды.

Air Astana әуе компаниясының мәліметінше, Airbus A321 ұшағы Алматыдан сағат 08:35-те ұшқан. Алайда ұшақтың жанармай жүйесінде ақау анықталғандықтан, экипаж жоспардан тыс қонуға шешім қабылдаған.

Зардап шеккендер жоқ. Қажет қосалқы бөлшектердің Алматыдан жеткізілетіне байланысты рейс 9 қаңтарға шегерілді.

Әуекомпания рейстегі жолаушылардың тамақпен және жатын орынмен қамтамасыз етілетінін атап өтті. Анталияда рейсін күтіп отырған жолаушылар үшін де осындай шаралар қабылданған.