Ақын Фариза Оңғарсынованың туғанына бүгін 85 жыл толды

Бүгін қазақ поэзиясының мәңгілік шамшырағы, ақын Фариза Оңғарсынованың туғанына 85 жыл толды, деп Democracy.kz ақпараттық порталы хабарлайды  inbusiness.kz сайтына сілтеме жасап.

Талантты ақын, қайталанбас мінезімен және терең дүниетанымымен өлеңді биікке көтеріп, қазақтың көркем сөзін әлемге танытты.

Еңбек жолын ауыл мұғалімі болып бастаған. 1968-1970 жылдары журналист ретінде де елеулі еңбек сіңірді. Оның табиғатпен үндес болмысы жырларынан да көрініс тапты.

Алғашқы өлеңдер жинағы «Сандуғаш» 1966 жылы жарық көріп, әдебиет әлеміне ерекше құбылыс деп танылды.

1984 жылы Қазақ КСР Мемлекеттік сыйлығының лауреаты атанды. «Құрмет Белгісі», Парасат ордендерімен марапатталған. Республика мәдени-ағарту ісіне еңбегі сіңген қайраткер.

Фото көрнекілік үшін интернеттен алынды.