Арал мәселесі Өзбекстанмен бірлесіп шешілмек

Мәулен Әшімбаевтың төрағалығымен өткен Палата бюросының отырысында депутаттар 24 қазан күні өтетін Сенат отырысының күн тәртібін бекітті әрі палатаның алдағы жұмыс жоспарын жоспарлады. Сенат отырысында «Қазақстан Республикасының Үкіметі мен Өзбекстан Республикасының Үкіметі арасындағы экология және қоршаған ортаны қорғау саласындағы ынтымақтастық туралы келісімді ратификациялау туралы» заң қаралады.

Бұл уағдаластық Арал бассейніндегі экологиялық ахуалды жақсартуды көздейтін бірлескен іс-шаралар әзірлеуге, қоршаған ортаны қорғау саласындағы ынтымақтастықты дамытуға, екі елдің қарым-қатынасын одан әрі арттыруға бет алған.