“Жүргізушілер сақ болыңыздар!’’ Еліміздің 6 өңірінде ауа райы бұзылады

27 желтоқсанда еліміздің алты облысындағы тасжолдың көрінуі нашарлауы мүмкін, деп хабарлайды Democracy.kz ақпараттық порталы Azattyq Rýhy -на сілтеме жасап.

«ҚазАвтоЖолдың» хабарлауынша, 27 желтоқсанда Ақмола, Шығыс Қазақстан, Павлодар, Солтүстік Қазақстан, Қостанай, Абай облыстарының тас жолдарына қар жауып, ауа райы күрт нашарлайды.

«Осыған байланысты жүргізушілерден қауіпсіздік ережелерін сақтап, жолдардағы ауа райының нашарлауын ескеруді сұраймыз. Call Center 1403 нөміріне қоңырау шалу арқылы тәуліктің кез келген уақытында қосымша ақпарат алуға болады», — деп хабарлады ұлттық компания.

Фото көрнекілік үшін интернеттен алынды.