«НУРИКАМАЛ» ФИЛЬМІНІҢ ЖАБЫҚ КӨРСЕТІЛІМІ ӨТТІ

6 қараша Астана қаласында «Нурикамал» фильмінің  алдын ала жабық көрсетілімі өтті. Фильмде композитор Тұрдықылыш Ізтаевтың халық жүрегінен орын алған «Нурикамал» әнінің шығу тарихы мен шынайы махаббат үшін шыдай білген әйелдер өмірі баяндалады. Айта кетелігі фильм тұсаукесері еліміздің ең ірі үш мегаполисінде өтті. Атап айтсақ, Шымкент, Алматы және Астана қаласында.

«Негізінен фильмнің идеясы бәрімізге белгілі «Нурикамал» әнінің тарихынан пайда болды. Фильм жарты жыл ішінде дайындап, халықтың назарына ұсындық. Ал актерларға келетін болсақ, Ханбибі апамызды, Тұрдықылыш ағамыздың өмірін, өнерін барлығын жан-жақты зерттеп, тіпті Ханбибі апамызға барып, сол кісімен сұхбат құрып сол кісілердің киім киісі, түр әлпеті келетін актерларды іздестірдік. Оның ішінде бізге Тұрдықылыш ағамыздың рөлін сомтайтын адамды табу қиындық тудыртты. Кастинг ұзақ уақытқа созылып, ең соңында ғана актерімізді таптық. Осылайша нағыз кәсіби мамандарды алдық. Продюсерлердің айтуынша, фильмді түсіруге 150 млнға жуық қаражат кетті дейді», – фильм режиссері Ернат Байұзақ.

Фильмінің алдын ала көрсетілімдеріне түсірілім командасы, актерлер, блогерлер мен басқа да медиа тұлғалар, журналистер және зиялы қауым өкілдері қатысты.

Хабибі рөлін сомдаған Гүльбахрам Байбосынова: «Кейіпкерімді алып шығу оңай болмады. Ол үшін көп ізденіс жасадым, Хабибі апамыздың берген барлық дерлік сұхбаттарын қарап шықтым. Осылайша ол кісінің мінезін өз бойыма сіңіріп толықтай ашып шығуға тырыстым. Жалпы бұл махабатқа құралған, махаббаттан туылған әннің тарихын фильм арқылы көрсетеді. Бұл негізі бұл фильм әйелгерге ой салатын фильмнің бірі деп ойлаймын».

Нурикамал Сейітжанованың әріптесі: «Фильм жақсы түсіріліп шыққан. Дегенмен Нурикамалдың келбетін толықтай ашылмаған. Фильмде оны тек нәзік әйел ретінде ғана көрсеткен. Алайда нағыз батыл мінезін көрсетпеген» – дейді.

Көрсетілім аяқталғанан кейін келген көрерменге «Нурикамал» шайын сыйға таратты. Айта кетсек фильм 7 қарашасында прокатқа шығады.

Назым МАЛИККЫЗЫ